Ҡыңғырауҙар, көмөш ҡыңғырауҙар

Рәми Ғарипов – Сыңрау торна. Шиғырҙар, поэмалар. – Өфө, Китап, 2021. – 356 бит.

Ҡыңғырауҙар, көмөш ҡыңғырауҙар
Ҡыңғырайҙар айлы тынлыҡта.
Ярышып шул тай-тулаҡтар менән,
Һандуғастар шаша таллыҡта.

Ышанмаҫлыҡ һүҙҙәр һөйләйем мин,
Ысын булһалар ҙа һүҙҙәрем.
Хәс тә үҙ-үҙеңде тыңлағандай,
Уйсанланып китә күҙҙәрең.

Ышанырға хатта ҡурҡһаң да,
Ышанаһың, ерҙә яҙ булғас:
Муйыл шундай ташып сәскә атҡан,
Шундай шашып һайрай һандуғас!..