Һәнәк менән һыуға яҙылһа ла

Рәми Ғарипов – Сыңрау торна. Шиғырҙар, поэмалар. – Өфө, Китап, 2021. – 356 бит.

Һәнәк менән һыуға яҙылһа ла,
Саҡырырмын, тинең, туйыңа.
Саҡырыуың саҡрымдар аша
Инеп ятты бына уйыма.

Юҡ, ул туйға барып етә алмам,
Өндә түгел, хатта төшөмдә.
Туй күлдәге кәфен булып балҡыр
Бәхет итеп күргән кешемдә.

Ҡулдарыңдан тотҡан ҡулдар миңә
Таяғылай булыр ләхеттең.
Үҙ күҙҙәрем менән күргем килмәй
Ерләнеүен тере бәхеттең!..