ЙӘЙ БАШЫ

Рәми Ғарипов – Сыңрау торна. Шиғырҙар, поэмалар. – Өфө, Китап, 2021. – 356 бит.

Ниңә ауыр былай күңелеңә,
Барыһын да белгән йоҫоҡҡа?..
Мәңге тормай яҙ – яҙ, наҙ наҙ көйө,
Көрһөнмәсе, ҡарап офоҡҡа.

Ваҡыт инде ҡыҫҡа был ғүмерҙә
Һәр миҙгелдең ҡәҙерен белергә.
Миләшкәйең ҡойһа сәскәләрен,
Гөлйемешкәй бағыр был ергә.

Тик тоғро ҡал барлыҡ тандарыңа,
Ялған шауҙа ҡалма аҙашып.
Тынмаҫ борон һандуғасты тыңла,
Тыуған саҡта йомарт йәй башы!..