Радик Хәкимйән. Ғүмерҙәр төрлө-төрлө
Посвящения
Рәми Ғариповтың яҡты иҫтәлегенә
Ерҙә мәңге йәшәмәйбеҙ,
Китәбеҙ һуңғы юлға,
Берәүҙәр китә иртәрәк,
Берәүҙәр һуңлабыраҡ.
Ҡай берәүҙәр оҙаҡ йәшәп,
Ҡартайып донъя ҡуя,
Ләкин ғүмерҙәре ҡыҫҡа –
Уларҙы онота донъя.
...Кешеләр төрлө булғандай,
Ғүмерҙәр төрлө-төрлө,
Берәүҙәр быҫҡып һүнәләр,
Берәүҙәр мәңге тере!
Радик Хәкимйән
1977 йыл, март