Муса Сиражи. Яныу
Посвящения
Рәми Ғарипов иҫтәлегенә
Ул тиҙ китте...
Быҫҡыманы сөнки –
янды.
Аҙ ваҡытта ләкин Ул күп йәшәп ҡалды.
Быҫҡыманы, янды...
Шуны талап итте
выжданы.
Төтәтергә түгел,
Яҡтыртырға янды
Донъяны.
Ул метеор һымаҡ атылды –
Күк йөҙөндә яҡты эҙ
ҡалды.
Ергә түгел,
Гүргә түгел, шағир Күңелдәргә беҙҙең юл
алды...
Күҙ алдымда – йондоҙ
юлдары,
Йөрәгемдә – шиғри
моңдары...
Муса Сиражи