БУРЫС

Был хәлде тик бер кем белмәҫ инде,
Үҙ башынан уның үтмәһә.
Таштан йүкә һуйылмай ҙа, тиҙәр,
Ә мин һуйҙым таштан йүкә... һәм

Ошо йүкә минең боғаҙымдан
Үлтермәйсә аҫып ҡуйғанын
Үҙем генә тойоп, үҙем белеп,
Йәшәүҙән бар хатта туйғаным...

Мин, ахыры, йәшәй белмәйем, тип,
Шағир булыуыма үкенәм.
Шиғыр яҙам, йәшәй алмағас, тик
Шундай хурлыҡҡа ла бит күнәм:

Тәнҡитсенән алған бурысымды
Түләй алмайынса ҡатты баш.
Күргән һайын уны күрмәй үтәм,
Нишләргә лә инде аптыраш!..