Ниңә мине көтөү ҡаршыларға

Ниңә мине көтөү ҡаршыларға
Ебәрмәйһең, инәй, әйт әле.
Әллә хәҙер ышанысһыҙмы мин,
Утамаған кеше түтәлен?
Мин әле лә, ҡалай әрләһәң дә,
Баҡсаларға әҙер керергә.
Ә иртәһен беҙҙең күршеләргә
Мин әҙермен йәнем бирергә.
Ниңә, инәй, миңә эш ҡушмайһың,
Ышаныстан сығып бөттөммө?
Әллә мине яҙыу яҙып ҡына
Тамаҡ туйҙырыр тип көттөңмө?
Инәй, ниңә бер илайһым килә
Үкһеп-үкһеп йылы ҡулында.
Ғәйепләмә минең аҡ сәсемде,
Үткәнде көт бары улыңдан...