Ҡош телендәй генә хaт көткәйнем

Ҡош телендәй генә хaт көткәйнем,
Тик килмәне хатың, ҡәҙерлем.
Юҡ, үпкә лә һиңә һаҡламайым,
Күңелем дә түгел йәберле.

Ҡош телендәй хатың килмәһә лә,
Шишмә булып керҙең төшөмә,
Сылтыр-сылтыр көлгән алыҫ шишмә
Мине, имеш, аңлай, төшөнә...

Тик уянып китһәм, шишмәм тигән –
Күҙҙәремдән тамған йәш икән,
Айыҡ аҡыл менән өнгә баҡһам,
Сәсемдә – сал, ә һин йәш икән!..