Һандуғас һайраған була

Һандуғас һайраған була,
Тешен ҡайраған була,
Талдар араһынан боҫоп,
Ниҙер ҡараған була.

Яр буйында күк кәмәлә
Икәү ултырған була.
Икәүһе лә юҡ-бар һүҙҙәр
Түккән-тултырған була.

Һүҙе бөткәс, егет ҡыҙҙы
Суп та суп үпкән була.
Кит, һантый, тип ҡыҙ тағы ла
Күҙ йомоп көткән була.

Тасай баш ай, башын сайҡап,
Һыуҙан ҡараған була.
Ә һандуғас, бер йыр отоп,
Сут-сут һайраған була!