Һинең менән бергә булған саҡта

Рәми Ғарипов – Сыңрау торна. Шиғырҙар, поэмалар. – Өфө, Китап, 2021. – 356 бит.

Һинең менән бергә булған саҡта –
Айһыҙ ҙа бит ҡалай һәйбәт төн!
Тик йондоҙҙар ғына беҙҙе күҙләй,
Әйҙә, һатһын беҙҙең ғәйбәтте...

Йондоҙҙарға ышанырға була,
Мин уларҙың беләм ғәҙәтен:
Бер ҡасан да улар кешеләргә
Һөйләмәйҙәр кеше ғәйбәтен.

Һөйләһә лә тамсы иҫем китмәй,
Үҙем асам ғишҡым ғәйбәтен:
Ҡысҡырырға әҙер бар йыһанға:
Һинең менән ҡалай һәйбәт төн!..