ТУТЫЙҒОШ

Рәми Ғарипов – Сыңрау торна. Шиғырҙар, поэмалар. – Өфө, Китап, 2021. – 356 бит.

Ә шулай ҙа һин ғәҙелһеҙ миңә,
Бөтәһе лә булды үҙеңдән:
Үҙең әйҙәнең бит боҙ ямғырын,
Йыртып алып күңел күгемдән.

Миңә әйткән ихлас һүҙҙәреңде
Ҡабатлағас үҙең башҡаға,
«Минән дә ул арттырҙымы?» – тиеп,
Бер тутыйғош хатта баш ҡаға.

Көмөш тауыш аҡҡош, ҡоҙғон булып,
Ташланһа бит күктән емтеккә,
Ниндәй йән шишмәһен боҙ ҡоршамаҫ? –
Ғәйепләмә мине һин тиккә!..