ДУҪТАРЫМА

Рәми Ғарипов – Сыңрау торна. Шиғырҙар, поэмалар. – Өфө, Китап, 2021. – 356 бит.

Тау ектәре менән сурғыларҙан
Баш ала ла алғыр йылғалар,
Бер үҙәнгә төшөп алҡынһалар,
Тау-ташты ла һуғып йығалар.

Яңғыҙ йылға, күпме ярһымаһын,
Ҡушылмаһа уға иштәре,
Һаҙамыҡҡа ҡойоп юлын ослай,
Түңгәктәргә күмә эштәрен.

Тау-таштар күп, дуҫтар, юлыбыҙҙа,
Яңғыҙҙа ла яңғыҙ аҡмайыҡ.
Илгә инселәнгән изге көстө
Һаҡлашайыҡ бергә ап-айыҡ!..