ҠУСТЫМА

Иҫеңдәме, Рәүил, һинең менән
Мин – Салауат,
Ә һин Кинйә булып,
Уҡтар атып, уйнап йөрөгәндәр?

Бер мәл һине сөңгөл ялмап алды,
Ҡолас ташлап һыуҙа йөҙгәндә.
Мин сәсеңдән һөйрәп сығарғас та
Хәтерең ҡалды туған Үҙәнгә...
Кил Мәскәүгә һин. Инженер булып,
Йүрүҙәндең юлын быуырһың,
Быуырһың да
Уның һәр тулҡынын
Баҫыуҙарға эшкә ҡыуырһың.

Электротрактор һөрһөн сиҙәмдәрҙе,
Баштан аша үҫһен игендәр.
Эштәреңә ҡарап райондаштар:
— Вәт, исмаһам, егет! – тиһендәр.