АНАР

Рәми Ғарипов – Сыңрау торна. Шиғырҙар, поэмалар. – Өфө, Китап, 2021. – 356 бит.

Ниндәй һуң мин?
Белгең киләме бик?
Бүлгең киләме бик өлөшкә?
Бәлки, етмеш яҙмыш һыйынғандыр
Өлөшөмә төшкән көмөшкә?
Тик мин бер йән:
Барыһы үҙемдеке,
Береһе лә түгел ят ҡунаҡ:
Яғымлы ла,
Ҡыйыу, уҫал да мин,
Ҡыҙ алдында хатта мин ҡурҡаҡ...
Тик беренән бер көн айырылмам:
Барыһы изге һәм үҙ емешем.
Етмеш емеш йомған көнбағыштай,
Бер донъя мин, бер йән, бер кеше!