БАЙТИРӘК

Ник шаулайһың шулай, байтирәгем,
Шомланғандай үҙең-үҙеңдән?
Аңлау ауыр миңә аһтарыңды
Был яманһыу ғүмерем көҙөндә.

Ҡасан ғына әле мин үҙеңде
Сираҡ буйы сабый сағыңда,
Күм-күк боҙ аҫтынан алып ҡайтып,
Ултыртҡайным зәңгәр яҙымда?..

Хәҙер инде олоноңдо баҫты
Һәр ороңдан сыҡҡан елдәүек.
Улар һинең һырғый ботағыңды
Ҡайырмаҡсы тәүге елдә үк...

Олоноңа хатта оронмаҡсы,
Шауҙырлатып шулай бик эре.
Беләм: улар үҙҙәре лә ҡорор
Һәм һине лә итер бөк(ө)рө!..

Юҡ, шомланма улай, байтирәгем,
Инде белдем хаҡын һәр шауҙың:
Иртәгә үк ҡырҡып ырғытырмын
Артыҡтарын һырлан шаршауҙың.