Һай, Салауат, Салауат!

Һай, Салауат, Салауат!
Аҡһаҡалдар соғоллоғо – Салауат,
Ир-егеттәр оһоллоғо – Салауат,
Батырҙарҙың таҫыллығы – Салауат,
Матурҙарҙың аҫыллығы – Салауат!
Һай, Салауат, Салауат!
Тыуған илдең ҡото – Салауат,
Тыуған ерҙең ҡото – Салауат,
Башҡортомдоң ҡаны – Салауат,
Хөр халҡымдың даны – Салауат!
Һай, Салауат, Салауат!
Урыҫымдың дуҫы – Салауат,
Ырыҫымдың бәҫе – Салауат.
Сабыйҙарҙың сафлығы ул, Салауат,
Ағым һыуҙың паклығы ул, Салауат.
Һай, Салауат, Салауат!..