Ауыр булыр һиңә минең менән
Рәми Ғарипов – Сыңрау торна. Шиғырҙар, поэмалар. – Өфө, Китап, 2021. – 356 бит.
Надяға
Ауыр булыр һиңә минең менән
Уртаҡ яҙмыш бүлеп йәшәүе, –
Юлымда бар тау-таш, боролмалар,
Күк күкрәүе, йәшен йәшнәүе...
Ауыр булыр һиңә минең менән,
Зарланырһың бөтмәҫ эшемдән.
Яратмай тип, бәлки, шикләнерһең
Ғүмергә дуҫ, яҡын кешеңдән.
Ауыр булыр һиңә минең менән...
Тик булмаҫ һис һиңә күңелһеҙ:
Һинең менән мин сабый ҙа булам
Һәм таба ла беләм көлкө һүҙ...