ЯҢЫ ЙЫЛ ЙЫРЫ

Яңы яуған ҡарға баҫып
Тағы яңы йыл килә!
Сыҡһам уны ҡаршыларға –

Ябалаҡлап яуа ҡарҙар,
Битемә ҡунып ирей.
Иҫке йылдан яңы йылға
Улар ҙа күсеп йөрөй!..

Әллә нисек сәйер миңә
Үткәндәрҙе оҙатыу.
Мөмкинме һуң был ғүмерҙе
Тик бер аҙға оҙайтыу?..

Ябалаҡлап яуа ҡарҙар,
Үтте тағы бер йылым.
Эшләнмәгән күпме эш бар,
Ә ҡыҫҡа ғүмер юлым.

Ҡар һырыған аҡ ботаҡтар,
Әйтерһең, сабый ҡулы!
Юҡ, моңайма, шатлан, тиеп
Ҡул һуҙа һымаҡ улым...